القائمة البريدية
محليات

خايفة يارفيقي الشهيد

خايفة يارفيقي الشهيد

دمشق..
كتبت طالة الهندسة امل ماضي في رسالة خاصة لشام برس .. وهيك صرنا بهاد الزمن،هاد الزمن الي بعض العالم وصلت فيه للقمر،،ونحن وصلنا لأبشع شي عالأرض،،<br>
عصر التكنولوجيا الي ماعرفنا ناخد منها غير المساوئ،،التكنولوجيا الي وفرتلنا شاشات نحكي من وراها بلا رقيب..نطالع كل ضعفنا وخوفنا فيها بالوقت الي نحنا بالواقع فيه منخاف من أي شي بالحياة..<br>
شاشات حديثة ادّعينا من خلالها أننا مثقفون..شاشات ادّعينا أننا مؤمنون عبرها من خلال بعض الكتابات الدينية..ادّعينا الإنسانية من حزننا على طفل جائع لمدة دقيقتين فقط...<br>
طلبنا من الله السماح بالوقت الي ماحدا سامح حدا فيه،،<br>
ابتعدنا جداً عن الحب الحياة الموسيقا واقتربنا من الغرائز والمصالح..كل واحد فتح دكان ليتاجر بالطوائف صرنا منكره الإنسان ومنحط الحجة بالدين  ونسينا أن كل الأديان بتدعي لنكون محبين.. <br>
هذا البلاء حصاد بذور قذرة زرعناها في أنفسنا،نحن نستحق البعض منه..<br>
وبالأخير..ماحدا سئلان،،عايشين ومو عايشين..عالم فوق وعالم تحت..<br>
عالم عايشة ع حساب عالم..وعالم بتموت كرمال عالم ..<br>
وقلوبنا صارت من حديد وماتعلمنا من الماضي ،،<br>
وخايفة يارفيقي الشهيد تكون رحت عالفاضي..

شام برس



الاحد 08-04-2018
رجوع
رجوع
طباعة
طباعة
إرسال لصديق
إرسال لصديق